Hervið endar hendan beinleiðis frásøgn frá einum av mest dramatisku og margháttligastu døgum í politisku søgu Føroya.
Spurningarnir, ið hanga eftir, eru um samgonguni er lív lagað? Verður Annika Olsen blakað úr Fólkaflokkinum? Og hvør skal í landsstýrissenssirnar í almanna- og fiskivinnumálum?
Jenis av Rana, formaður Miðfloksins, segði í tíðindunum í útvarpinum, at flokkurin nú umrøður nýggju støðuna.
Jørgen Niclasen, formaður í Fólkaflokkinum, hefti seg við, at Annika Olsen hevði atkvøtt fyri, og hann gjørdi vart við, at hann hevði ikki biðið Jacob Vestergaard og Elsebeth Mercedis Gunnleygsdóttir offra landsstýrissessirnar. Tað var teirra egna avgerð.
Í sambandi við næsta uppskotið til løgtingslóg um broyting í løgtingslóg um børns retsstilling, lov om arvelov, lov om forældremyndighed og samvær og lov om anerkendelse af nordiske faderskabsafgørelser (Sammóðir), tá atkvøddu 18 fyri, 13 ímóti og ein var blonk.
Munurin var, at Erhard Joensen úr Sambandsflokkinum eisini atkvøddi fyri hesum uppskotinum. Hann atkvøddi ikki í fyrra uppskotinum.
Tey 13, sum vóru ímóti, vóru:
Beinir Johannesen, Fólkaflokkurin
Christian Andreasen, Fólkaflokkurin
Elsebeth Mercedis Gunnleygsdóttur, Fólkaflokkurin
Jacob Vestergaard, Fólkaflokkurin
Jákup Mikkelsen, Fólkaflokkurin
Jógvan á Lakjuni, Fólkaflokkurin
Uni Rasmussen, Fólkaflokkurin
Bill Justinussen, Miðflokkurin
Steffan Klein Poulsen, Miðflokkurin
Edva Jacobsen, Sambandsflokkurin
Frimodt Rasmussen, Sambandsflokkurin
Helgi Abrahamsen, Sambandsflokkurin
Jaspur Langgaard, Sambandsflokkurin
Ein atkvøða var blonk, og hana átti Rósa Samuelsen úr Sambandsflokkinum.
Tey 17, ið vóru fyri uppskotinum til løgtingslóg um broyting í løgtingslóg um barsilsskipan (Barsilslógin) (Sammøður javnsettar við pápar), vóru:
Annika Olsen, Fólkaflokkurin
Bjarni Kárason Petersen, Framsókn
Ruth Vang, Framsókn
Aksel Vilhelmson Johannesen, Javnaðarflokkurin
Bjarni Hammer, Javnaðarflokkurin
Djóni Nolsøe Joensen, Javnaðarflokkurin
Eyðgunn Samuelsen, Javnaðarflokkurin
Henrik Old, Javnaðarflokkurin
Jóhannis Joensen, Javnaðarflokkurin
Kristianna Winther Poulsen, Javnaðarflokkurin
Johan Dahl, Sambandsflokkurin
Beinta Løwe Jacobsen, Tjóðveldi
Bjørt Samuelsen, Tjóðveldi
Hervør Pálsdóttir, Tjóðveldi
Høgni Hoydal, Tjóðveldi
Páll á Reynatúgvu, Tjóðveldi
Sirið Stenberg, Tjóðveldi
Hvat hendir so nú? Fólkaflokkurin offraði ein politiska bisp og ein rók, tá Jacob Vestergaard og Elsebeth Mercedis Gunnleygsdóttir fóru úr landsstýrinum og í løgtingið at fella málið um sammóður. Úrslitið varð, at nøkur av teirra egnu í Fólkaflokkinum spældu eina finnu, Heðin Zachariasen, út av løgtinginum, tá hesin fór í farloyvi, so Annika Olsen aftur kundi taka sæti í løgtinginum og vera við at samtykkja uppskotini um sammóður.
Harvið er tað málið um sammøður endaliga samtykt.
Næsta uppskotið er eisini samtykt við 18 atkvøðum fyri, 13 ímóti og einari blankari.
Fyrsta uppskotið í málinum um samóður er samtykt við 17 atkvøðu fyri, 13 ímóti og einari blankari.