0-0 endaði fyrst dysturin í Føroyum nakrantíð í einum evropiskum endaspæli fyri lið.  Og tað var væl og virðiliga uppiborið. 

Flott stríðsavrik, ið her er so væl ímyndað av Árna Frederiksberg. 

Herrópini gella niður mótir leikarunum, nú KÍ-fjeppararnir tevja eina sensatión. Liðið eitur KÍ rungar eisini. 

KÍ er tríggjar minuttir frá einari sensatión. 

Eitt stórt úrslit lúrir, tí KÍ heldur skansanum, nú vanliga leiktíðin er farin. 

Stóra stjørnan á KÍ-liðnum, Árni Frederiksberg, er alt annað enn nøgdur við dagsins dómara, Elchin Masiyev úr Aserbajan. Árni hevði grein í sínum máli og átti eitt fríspark, tá hann var í holt við at bróta ígjøgnum í høgru síðu. 

Tað tók tað mesta av hálvleikinum hjá KÍ at spæla seg fram í brotsteigin hjá Lille. Men tað hendi so, tá Mads Boe Mikkelsen legði ein bólt innfyri málið, men tíverri fekk einki KÍari høvdið á bóltin. 

Lille sendir nú stórur kanónirnar á vøllin. 23 ára gamli kanadiski Jonathan David er áleypari og verður roknaður sum ein tann besti hjá Lille. 

KÍ manglar fart í álopsspælinum, og tá er gott at hava eina rakett sum landsliðsleikarin Mads Bo Mikkelsen at seta á vøllin. 

KÍ sleppur av álvara at royna seg í kvøld, tí Lille er klárt sterkasta liðið, ið klaksvíkingar hava møtt í evropa í ár. Teir eru skjótari og tekniskt og kropsliga sterkari enn leikararnir hjá hinum liðunum, ið KÍ hevur spælt ímóti. 

KÍ er trýst heilt aftur í egnan brotsteig, og tað tykist torført hjá leikarunum at fáa flutt bóltin fram í hálvuna hjá Lille og hildið upp á hann. Men nú fekk KÍ eitt innkast, ið Árni Frederiksberg tekur, og sjálvandi endaði tað eisini við einari atsøkn á Lille-málið.