Kendasta sjónvarpspersónligheitin í føroyskari miðlasøgu, Zacharias Hammer, segði altíð, at:  "Alt fær ein enda, og tað fær Barnaløtan eisini. " 

Evropiska-ævintýrið hjá KÍ er komið at enda, hóast tað enn restar ein dystur í UEFA Conference Leagu bólki A á útivølli móti fronsku Lille. 

KÍ-leikararnir góvu alt, ALT, og vóru til tað síðsta nær við at fáa ein javnleik móti Slovan Bratislava, ið kundi givið liðnum ein spinkla møguleika at sleppa víðari. Men tað var líka við og næstan. 

Vit føroyingar kunnu ikki annað enn takka KÍ-leikarunum og øllum kring liðið fyri nakrar fantastiskar upplivingar hetta seinasta hálvaárið. 

2023-liðið hjá KÍ fer í søguna sum tað liðið, ið flutti føroyskan fótbólt longst fram á leið. Ja, tað fer í søguna sum besta føroyska fótbóltsliðið nakrantíð. 

KÍ hevur fingið 7 minuttir afturat at fáa eitt mál ella tvey. 

Almenna áskoðaratalið er júst kunngjørt, og tað eru 1249 áskoðarar á Tórsvølli í kvøld. 

UEFA Conference League-ævintýrið hjá KÍ er við at renna út. Orkan tykist vera uppi, og fimm skaðar og leikbannið hjá Árna Frederiksberg sæst nú aftur. Magne Horseth, venjari, hevur ikki nógv at taka til á bonkinum. Ungi Johan Josephsen er sendur á vøllin, ið eini roynd at fáa eitt mál. Og nú KÍ fekk eitt fríspark í sera góðar støðu, ja, so manglaði ein ávísur heilsølumaður við nu. 7 á rygginum. Skotið hjá Jákupi B. Andreasen rakti múrin. Eitt er tú víst, og tað er, at leikararnir geva alt, ið teir eiga. 

Leikararnir á KÍ-liðnum kundu ikki ynkst sær betri stuðul. Hóast áskoðararnir eru rættiliga fáir, so eru teir ótrúliga knáir. Bæði Bláa Bylgjan, og so nýggi fjeppara-skarðin í FSF-skýlinum, eru fantastiskir. Sera stuttligt er herrópið fyri Vegar Forren. Afturvið "Don't You Love Me Baby" hjá Human League, so syngja KÍ-fjeppararnir: 

Vegar Forren, baby!

Vegar Forren, oh oh oh

Eina løtu sá út til, at Slovan Bratislava hevði fingið brotsspark. Tíbetur var rangstøða, so KÍ slapp við skrekkinum. Nei, tað gongur einki serligt í løtuni. Tað ríður um snarið hjá KÍ. 

KÍ-venjarin roynir at fáa meira orku inn á liðið og hevur sent Claes Kronberg á vøllin fyri málskjúttan Mads Boe Mikkelsen. Kí-leikararnir kýta seg veruliga, fyri at koma innaftur í dystin, men mótbrekkan tykist tung. 

Eftir at KÍ byrjaði 2. hálvleik so væl, so var tað sum at fáa ein vátan vøtt í gronina hetta annars sera vakra vetrarkvøldið at Slovan Bratislava skoraði til 1-2.

KÍ-leikararnir hava veruliga søkt at Bratislava-málinum, tí KÍ kann ikki ordiliga brúka annað enn ein sigur. 

Tað hevur verið líka við og næstan. 

Men nú er veruleikin tann, at KÍ skal hava tvey mál, fyri at hava nakran møguleika, fyri at spæla seg víðari í UEFA Conference League. 

Er okkurt kring dystin ella luttøkuna hjá KÍ í bólkaspælinum í UEFA Conference League, ið tit spekulera uppá, so er bara at spyja. Jákup Ósá situr undir liðini á mær, og hann veit alt, ið er vert at vita um KÍ og føroyskan fótbólt. 

Enn einaferð var tað nr. 33 Juraj Kucka, ið skoraði, eftir gjøgnumbrot í vinstru síðu. Tað sá heldur lætt út hjá slovakum.