Nú tikið verður saman um, so er einki annað at siga við okkara hondbóltsdreingir enn takk. Avrikini hava verið framúr. Tit hava skriva føroyska ítróttarsøgu, og vit eru errin av tykkum. Fyrimyndarligt.
Nú tikið verður saman um, so er einki annað at siga við okkara hondbóltsdreingir enn takk. Avrikini hava verið framúr. Tit hava skriva føroyska ítróttarsøgu, og vit eru errin av tykkum. Fyrimyndarligt.
Um nakar ivaðist í, um tað veruliga var munur á kropsstyrkini hjá póllendingum og føroyingum, so sigur hendan myndin alt. Teis er okkara størsti og sterkasti spælari, men hann sær út sum ein smádrongur aftur ímóti Kamil Syprzak, ið er 2 metrar og 7 sentimetrar.
Føroyska kempan, Teis Horn Rasmussen, ásannaði, at teir fingu ikki tak á stóru póllendingunum, serliga strikuspælaranum, ið eisini var eitt fjall.
"Har var fysikkur á munur." Um stuðulin frá føroysku fjepparunum, so staðfesti Teis: "Tað er ótrúligt og blívur bara við og við. Vit kunnu ikki takka teimum nóg mikið."
"Póllendingar vóru sterkari enn okkara í dag, og vit fingu ikki tey mótálopini, ið vit skuldu brúka," segði føroyski venjari Peter Bredsdorff-Larsen. Og spurdur, hvat henn helt um avrikið hjá føroyska liðnum, so var svarið stutt og greitt: "Outstanding."
Enn einaferð var tað ein føroyingur, ið vann heiðurin sum dagsins leikari. Elias Ellefsen á Skipagøtu var klárt tann besti leikari hjá Føroyum. Uttan Elias, so vóru vit ikki til EM.
Effektiviteturin var á mun, og tað var í grundini verjuspælið eisini. Føroyar taptu móti einum sterkari liði.
Póllendingar hava lagt seg framum við trimum málum, meðan Vilhelm Poulsen tíverri brendi ein púra frían kjans.
Hóast dysturin nokk ikki stendur til at vinna, so kann ein javnleikur tryggja Føroyum triðja plássið í bólkinum.