Tað hevur verið ein buldarsligur og hendingaríkur morgun, fyrrapartur og dagur. Takk til tykkum øllum, ið sendu video, myndir og spurningar inn, og takk til Andrias Gregoriussen, veðurmann á Veðurstovu landsins, at hann var við á liveblogginum og svaraði spurningum. 

Men fyrst og fremst takk til bjargingarfeløgini og sløkkiliðini og øll onnur kring landið, ið syrgja fyri, at vit kunnu kenna okkum trygg ein dag sum í dag. 

Her er ein samandráttur av nøkrum av teimum videobrotum, ið fólk kring landið hava sent inn til okkum. 

Takk fyri spurningarnar. Vit taka ikki ímóti fleiri spurningum í hesum umfari. Somuleiðis takk Andrias Klein Gregoriussen, veðurfrøðingur. 

Hey Mortan, 

 Ja, hetta hevur verið nógv kjakað um. Tað eldra ættarliðið brúkti ofta Beaufort stigan til at meta um vind. Um hann fór upp í 11, so var nógvur vindur. Øll mátini eru brúkt alt eftir, hvør brúkar mátini. 

Man kann í stóra mun siga, at samfelagið tillagar seg til tað, sum verður brúkt, og í størsta partinum av Evropa kann sigast, at m/s er tann eindin, ið verður mest brúkt í dag. M/s er býti millum tvær sokallaðar S.I. eindir, metrar og sekund. Hesar báðar eindirnar eru standard eindir, tá ið ein ger útrokningar til alt møguligt í dagsins samfelag.

9 fólk sita á vaktsentralinum á politistøðini og taka ímóti fráboðanum, men tey klára ikki at arbeiða undan. 

Arbeiðsfólk á bryggjuni í Havn hava havt úr at gera við at bjarga bingjum, ið eru farnar í vindinum. 

Løgreglan heitir á fólk í Leirvík um at halda seg innandura, og tað er væl skilligt, tá mann sær upptøkurnar úr bygdini. 

Upptøka: Petur Sjúrðarberg

Hey Janus,

Tað er ilt at siga. Men vit mugu síggja, hvussu tað verður út á seinnapartin.