Måndag var siste dag i EM i vektløfting. Det var også dagen då naustedølen Ragnar Holme skulle løfte.

Dette var første gong Holme stilte i A-puljen i EM i 109+ kilosklassen.

Holme gjorde det godt i rykk, med 170 kg, 176 kg og 182 kg. 

182 kg er ny norsk og nordisk rekord, skriv Stian Grimseth på Facebook.

I støt løfta Holme først 200 kg. I andre løft prøvde han seg på 210 kg, men det vart ikkje godkjent. Naustedølen valde å stå over det siste forsøket i støt.

– Vi drog det heilt ut i rykk, men eg valde å halde litt igjen i støt. Det handlar om å tenkje langsiktig og ha fullt fokus på VM på heimebane i oktober. No ser eg fram til ein god treningsperiode inn mot VM – eg er veldig motivert, seier Holme til Norges vektløfterforbund.

Dagens prestasjonar gav Holme ein 4. plass i rykk, 10. plass i støt og 7. plass samanlagt. Han er no sikra plass i VM i Førde

Julia Jordanger Loen hadde sin løftedag under EM i Moldova torsdag.

Ho stiller i 71-kilosklassen i B-puljen.

I rykk løfta ho eit 89 kilo, medan dei to andre forsøka vart underkjent.

I støt løfta ho to godkjente løft på 108 kg og 111 kg. Siste forsøket på 114 vart ikkje godkjent.

Til saman løfta ho 200 kg, som sikra ho plass til VM i Førde i oktober.

Ho kom på 13.-plass i rykk, 14.-plass i støt og 13.-plass samanlagt. 

Medan fleire nyt påskeferien konkurrerer fleire lokale vektløftarar i EM i Moldova.

Onsdag løfta Marit Årdalsbakke i B-puljen i 64 kilosklassen.

I rykk vart alle hennar tre løft godkjente på 88 kg, 91 kg og 94 kg. I støt fekk ho godkjent forsøka på 106 kg og 110 kg. Siste forsøk på 112, vart underkjent.

Til saman løfta Årdalsbakke 204 kg. Ho kom på 12. plass i rykk, 17. plass i støt og 16. plass samanlagt.

Dette sikra ho kravet i både 63- og 67-kilosklassen til VM i Førde i oktober. 

Torsdag presenterte Norges Skiskyttarforbund landslaget til kommande sesong.

Stryn-brørne Tarjei Bø og Johannes Thingnes Bø la opp etter årets sesong, men det betyr ikkje at landslaget blir utan lokalt håp i OL-sesongen.

Vinter-OL blir arrangert i Italia frå 6. til 22. februar 2026.

Maren Hjelmeset Kirkeeide frå Stryn er teken ut til landslaget. Ho representerer Markane IL, same klubb som Bø-brørne har gjort.

Johan Olav Smørdal Botn frå Stårheim er teken ut til rekruttlandslaget for herrar.

På rekruttlaget for kvinner var førdianar Karoline Erdal teken ut, men ho takka nei til plassen. 

Denne helga har det vore arrangert NM i terrengløp på kort bane på Bjerke travbane.

 Åsmund Sunde Førde frå Jølster IL stilte til start i U20-klassen. 

Han kom inn på tida 05.49, som sikra han førsteplassen. 

Maren Hjelmeset Kirkeeide var siste kvinne ut på stafettlaget til Sogn og Fjordane under NM i skiskyting søndag.

Nordfjordingen held fram den gode forma og sikra laget NM-gull.

Ann Kristin Aaland og Karoline Erdal frå Førde gjekk dei to første etappane.

Kirkeeide vant fellesstarten laurdag og sikra seg også kongepokalen. Fredag tok ho også gull i sprinten.

Karoline Erdal tok bronse i sprinten fredag og kom på 6. plass fellesstarten, i tillegg til dagens stafettgull. 

Maren Hjelmeset Kirkeeide frå Stryn tok gull under fredagens sprintetappe i NM i skiskyting. 

– Eg forstod eigentleg ikkje då eg kom i mål, kva det var eg kom i mål til, sa Kirkeeide til NRK etter målgang. 

Karoline Erdal frå Førde tok bronse. 

Torsdag vart ein dårleg dag for dei norske kvinnene i verdscupen i skiskyting. 

Maren Kirkeeide frå Stryn blei beste nordmann, med 19 treff av 20. Dessverre gjekk det ikkje raskt nok i sporet, og ho enda på ein 9. plass. 

Det melder NRK. 

Blant herrene var det Sturla Holm Lægreid som gjorde det best, med ein andreplass, bak veteranen Jakov Fak. Med dette tok han tilbake leiinga i verdscupen. 

Dagen var ikkje like god for Johannes Thingnes Bø, som deltok i løpet trass i sjukdom. 

– Det kjennast ut som eg går med forkjølelse og feber og alt, sa ein heilt utsleten Thingnes Bø til NRK etter målgang.

Anders Fannemel frå Hornindal tek mellombels over jobben som trenar for dei norske hopparane. 

Det fekk NRK stadfesta torsdag. 

Dette skjer etter at hopptrenar Magnus Brevig og servicemann Adrian Livelten har juksa med hoppdressane til to av utøvarane under VM i Trondheim. 

Ragnar Holme frå Naustdal har blitt norgesmeister. 

Søndag var det hans tur til å løfte. Han løfta 170  kilo i rykk. 

I støt løfta han 215 kilo, noko som er ny norsk rekord. Holme hadde den førre rekorden på 210 kilo.