Abonnentar på Indre Hafslo blir berørt av akutt vasslekkasje, melder Luster kommune på Facebook. Det blir jobba med å finna staden for lekkasje og kommunen oppmodar om å melda inn til teknisk vakt dersom dei oppdagar noko unormalt. Dei kan også mista vatnet fram til lekkasjen er reparert, skriv kommunen.
16 lette køyretøy vart stoppa for vurdering av Statens vegvesen under ein kontroll i Luster og Skjolden torsdag.
Nokre av desse vart plukka ut for nærare kontroll. Dei fleste hadde alt i orden, det var berre mindre manglar på nokre av køyretøya, går det fram av kontrollrapporten.
Samstundes var 160 kontrollerte for bilbeltebruk. Fem køyretøy fekk skriftlege manglar, vert det opplyst.
Ein kombinasjon av mannskapsmangel og pålagd kviletid gjer at fleire avgangar på Mannheller- Fodnes blir kansellerte torsdag kveld og fredag 1. mai.
Det melder Norled.
Torsdag kveld vert desse avgangane innstilte frå Mannheller: 2020, 2100, 2140, 2220
Frå Fodnes: 2040, 2120, 2200 og 2240.
Fredag 1. mai vil avgangen frå Mannheller 06.00 og frå Fodnes 06.20 bli innstilt. Elles melder Norled om normal rutedrift.
Onsdag melder Norled om nye kanselleringar på Mannheller-Fodnes. Ferjeselskapet melde også om kanselleringar dagen før. Årsaka er framleis ein kombinasjon av mannskapsmangel og pålagt kviletid.
Følgjande avgangar blir innstilte:
Onsdag kveld frå Mannheller: 2020,2100,2140, 2220 og frå Fodnes: 2040,2120,2200, 2240.
Torsdag morgon frå Mannheller: 0540,0620 og 0700 og frå Fodnes: 0600,0640,0720.
Norled melder om fleire avgangar som blir innstilte tysdag kveld og onsdag morgon. Årsaka er ein kombinasjon av mannskapsmangel og pålagt kviletid.
Tysdag kveld frå Mannheller blir desse innstilte: 2020,2100,2140, 2220 og frå Fodnes blir desse innstilte: 2040,2120,2200, 2240.
Onsdag morgon frå Mannheller: 0540,0620 og 0700 og frå Fodnes: 0600,0640,0720.
NPK-NTB
Av omsyn til tryggleik søkjer Riksantikvaren om droneforbod over nokre av Noregs nasjonalskattar, nemleg stavkyrkjene i landet.
Søknaden om droneforbodet blir send til Luftfartstilsynet og omfattar 27 av 28 stavkyrkjer.
– Med aukande besøkstal, ser stavkyrkjeeigarane at stadig fleire flyg drone rundt kyrkjene. Det har også vore uhell ved stavkyrkjer som følgje av droneflyging, men førebels har ikkje dette fått alvorlege konsekvensar, seier Marianne L. Nielsen, direktør for kulturminneavdelinga hos Riksantikvaren.
Stavkyrkjene er blant bygningane i Noreg med høgast kulturhistorisk verdi, og dei eldste har stått i nærare 900 år.
Dei best besøkte kyrkjene kan ha opp mot 60.000 betalande besøk i løpet av ein sesong.
– Om ein drone styrtar og hamnar på eit tak eller inne i eit klokketårn utgjer det ein stor brannfare, seier Nielsen.
– Dette vil vi unngå utan omsyn til kostnaden.
Undredal stavkyrkje er den einaste kyrkja som ikkje er omfatta av søknaden. Årsaka er at ho ikkje opplever det same presset frå droneflyginga til turistane.
Søndag tok Sogndal i mot KFUM på Fosshaugane.
Mari Hov Heggestad sende heimelaget i føringa etter 21 minutt. 14 seinare la Julie Slattum Pettersen på til 2-0. Dette var også resultatet til pause.
KFUM greidde ikkje å finna nettmaskene, men det gjorde Pettersen. I det 59. minutt sette ho inn sitt andre mål for dagen.
Kampen enda til slutt 3-0 til Sogndal.
Norled melder om redusert kapasitet på avgangen frå Fodnes klokka 17.20, onsdag ettermiddag.
Vik – Ortnevik – Måren – Nordeide er innstilt ut dagen, på grunn av tekniske problem.
Det vil bli normal drift frå torsdag morgon, melder Norled.
Det er sendt ut gult farevarsel for gras- og lyngbrann i snøfrie område i Vestland fylke, melder Meteorologene.
Tysdag førte bålbrenning til ein større grasbrann i Luster.
– Ikkje bruk open eld, er oppmodinga.
Det er eit generelt bålforbod i Noreg frå 15. april til 15. september. I dette tidsrommet er det forbode å tenna bål, engangsgrillar og bålpanner i eller i nærleiken av skog og utmark.