Sogndal Fotball og Grorud IL er samde om ein overgang for angrepsspelar Preben Asp (23). Avtalen strekkjer seg ut 2028-sesongen, melder Sogndal fotball.

- Sogndal er ein klubb eg føler meg veldig ønska av, og dei spelar ein fin fotball som passar meg bra, fortalde Preben etter at avtalen var signert.

Preben Asp er frå Steinkjær, og har allereie spelt for både Steinkjær, Kristiansund, Ranheim og Levanger på vegen mot toppfotballen. I 2022 spelte han 23 kampar for Levanger i PostNord-ligaen, og i sin fyrste sesong på seniornivå scora han 13 mål. Året etter var han med på opprykk til OBOS-ligaen, og han spelte 17 kampar forLevanger. Turen gjekk deretter vidare til Grorud og ein ny sesong på nivå 3 i norsk fotball.

- Vår nye spiss leverte ein historisk sesong for dei gule og blå. På 26 kampar i PostNord-ligaen scora han heile 27 gonger. Det har ingen spelar gjort før han i andredivisjon etter at det vart lagt om til to avdelingar i 2017. I årets sesong har han halde fram med å score, og etter totalt 11 kampar i serie og cup har han scora 8 mål. Eit av dei kom i cupkampen mot Lillestrøm, og no blir det eit nytt møte med kanarifugla i september, skriv Sogndal på heimesida si.

Sogndal J16 møtte Tertnes til semifinale fredag under Norway cup, og tapte 0-1. 

Dermed er det klart for bronsefinale laurdag mot Harestua IL. Kampen går klokka 12.30.

Fredag føremiddag vert det meldt om ei trafikkulukke på fv 50 ved Osen ved Vassbygdivatnet i Aurland. Statens vegvesen melder om at det er fare for at vegen kan bli stengd. 

– Politiet er på staden. Mc-føraren var iført hjelm og mc- klede, seier Tatjana Knappen, operasjonsleiar hjå Vest politidistrikt. 

I politiloggen går det fram at førar er vaken og oppegåande, men har smerter. 

 Det er  ikkje meldt om særleg skade på MC-en. 

Meldinga om ulukka kom klokka 09.51.

Knappen seier at ulukka skjedde i ein sving. 

– Ulukka skjedd i samband med at mc-føraren kom rundt ein sving og måtte stoppa for bilar som stod der og dermed køyrde i fjellveggen. 

Det skal vera passasje på staden. 

– Me fekk melding klokka 10.01 om at ein bil har mista eit hjul på Fjærlandsvegen. Hjulet trefte i fronten på ein anna bil. Det er fire personar involverte, to i kvar bil. Ingen er fysisk skadde, seier operasjonsleiar Tatjana Knappen i Vest politidistrikt. 

Begge køyrefelt er påverka, men det er passasje. 

– Den eine bilen står i vegbana. Den andre står rundt 100 meter frå, i den andre vegbana, seier Knappen. 

Brannvesenet rykkjer ut til melding om trafikkulukke ved Hornselv på rv 5627 mellom Aurland og Lærdal torsdag. 

Meldinga kom like før klokka 09.00. 

Ein personbil med ein person har køyrt av vegen og ned i grøfta, melder Vest politidistrikt.  Det er ikkje meldt om fastklemde personar. Førar av bilen er medviten, opplyser politiet. 

Det skal vera lite trafikk i området, men trafikantar bør vera obs på redusert framkomst, heiter det frå politiet. 

Klokka 11.14 har naudetatane avslutta på staden. Førar er frakta til legevakt med ambulanse for ein helsesjekk. Bilen står ikkje i vegbana og er dermed ikkje til hinder for trafikken. Politiet opplyser at det vert oppretta sak. 

Sogndal G14 gjorde det godt i gruppespelet, men i første kamp i A-sluttspelet vart Vålerenga for sterke. 

Dei jamngamle jentene har òg teke seg vidare. Dei spelar 1/16-finale torsdag klokka 13:00.

Sogndal G15 spelar i skrivande stund 1/32-finale mot Vestsiden-Askøy.

J16-laget har feia all motstand til side, og spelar første sluttspelkamp torsdag 16:15.

For Syril J15 tok Norway Cup-eventyret slutt onsdag, men klubben sitt sjuarlag i aldersklassen J13/14 har teke seg til 1/8-finale. Den går i morgon klokka 15:00 mot Langevåg/Sula.

Årdalstangen stiller med tre samarbeidslag (Jotun, ÅTIL, Lærdal). J13 spelar no 1/16-finale i B-sluttspelet, medan sjuarlaget har teke seg til A-sluttspelet etter tre overbevisande sigrar. Den kampen starta klokka 15:00. J16 spelar første kamp i B-sluttspelet frå 14:30.

Jotun har teke turen til Tigerstaden med heile fem lag. G13 har allereie vunne sin først kamp i A-sluttspelet og er klar for 1/16-finale mot Skedsmo Rød klokka 18:50 onsdag. J13 fekk det litt tøffare og har B-sluttspel på programmet. Det same gjeld G14 som spelar sin neste kamp klokka 18:50. Sjuarlaget G15/16 er ferdigspelte etter å ha tapt første kamp i B-sluttspelet. G17 spelar sin første kamp i same sluttspel klokka 20:00.

Den siste lokale klubben er Kaupanger, som stiller med sjuarlag i  J13/14-klassen. I første A-sluttspelkamp vart laget med det fengande namnet Lesja IL/Lesjaskog/Dombås 2011 hakket for tøffe.

110 Vest melder onsdag føremiddag om ei singelulukke på E39 i Vadheim. Det er ein bil som har kollidert og naudetatar er på veg. 

Vest politidistrikt melder at ein personbil har køyrt inn i nokre steinar som har rasa ned i vegen i samband med eit steinsprang. Det var to personar i bilen, ein av dei er blitt sett til av helsepersonell på staden. Det er ukjent skadeomfang. 

Klokka 11.09 melder politiet at naudetatane er ferdige på staden og at vegen er oen for fri ferdsel. 

Simas kjem i haust til Høyanger sørside, Fjærland og Veitastrond.

Innsamlingspunkta fungerer som ein fullverdig miljøstasjon, for mottak av hushaldningsavfall. Det melder selskapet.

(Les meir om ordninga her)

Tid og stad for haustinnsamlinga

Ortnevik (Kaia)

Onsdag 3. september - kl. 10.00 - 11.00

Søreide (Industriområde)

Onsdag 3. september - Kl. 12.30 - 14.00

Ikjefjord (Grendahus)

Onsdag 3. september- Kl. 16.00 - 17.00

Fjærland (Kaia)

Tysdag 9. september - Kl. 13.00 - 16.00

Veitastrond

Tysdag 26. august - Kl. 10.00 - 13.00

Det vart dobbelt gull til Norge på 50m rifle liggande EM i Frankrike. 

Jon-Hermann Hegg var best av alle, og stakk av med gullet. I krevjande og skiftande vindforhold klarte han å halda roen på standplass, og vann med poengsummen 624,3.

Sterk norsk laginnsats vart løna med laggull. Ole Martin Halvorsen på 6. plass med 620,6 poeng og Henrik Larsen nr. 13 med 619,0.

Hegg sikra seg gull også søndag. Då saman med Jeanette Hegg Duestad. Duoen var uslåelege i gullfinalen mot Sveits i øvinga 50m rifle match duett på søndag.

- Gratulerer så masse til superduoen, skriv Norges Sportsskytterforbund på Facebook.

Vegtrafikksentralen melder klokka 10:34 at Berdalstunnelen og Nesbøtunnelen er stengde på grunn av steinras.

Nesten to timar etterpå, klokka 12:22, var tunnelane opne for fri ferdsel att.