Kaien vert stengd kveld og natt onsdag-torsdag og det vert utført alternativ rute og ferja vil gå Kaupanger- Fodnes- Lærdal, opplyser Norled onsdag. 

Den alternative ruta er å finna på norled.no. 

– Det vil smella litt no og då frå no, over sommaren, og utover hausten, fortel Bjørn Ove Aalberg, anleggsleiar i Statnett.

Statnett byggjer 420kV linja mellom Fardal og Aurland og skal framover byrja å festa kablane til mastene.

– Koplinga mellom kabel og mast skal sprengast fast, forklarar Aalberg.

Han skildrar lyden som eit drønn som vil vera godt høyrbart. Arbeidet startar på Dueskard og vil merkast mot Frønningen og innover mot flyplassen på Haukåsen og Kaupanger.

I Lærdal er E16 Seltatunnelen stengd, melder vegtrafikksentralen like før klokka 10. Dette grunna stansa køyretøy i tunnelen. 

Bilbergar er på veg. Like før klokka 11, er tunnelen opna att. 

Måndag hadde Kjeringi Open eit avklaringsmøte med Røde Kors knytt til gjennomføringa av årets løp. Snømangelen utgår og arrangørane har måtta tenkja nytt. 

1. etappe vil difor ha målgang/veksling på Øvre Stokksete og deltakarane må difor springa dei siste hundremetrane til veksling. 2. etappe vert endra frå langrenn til terrengløp og vil vera på rundt 3,5-4 kilometer. Vekslingsstasjon er på Kleppa, der 3. etappe, som er løp, startar. 

Transport av utstyr frå 1. vekslingsstasjon til Kleppa er spesielt krevjande i år og det kan ikkje nyttast snøskuter. Difor melder arrangørane at dette kan løysast med helikoptertransport med hengande last med landing på parkeringsplassen på Kleppa. 

E16 Flenjatunnelen i Aurland må stengja ein periode fordi ein høgdeavgrensar må reparerast.

Entreprenør er på veg, melder Vegtrafikksentralen klokka 15.15 måndag.

Litt seinare vart Gudvangatunnelen også stengd grunna lang kø.

Klokka 15.52 melder VTS at det er opna for trafikk att.

På sambandet Vik – Ortnevik – Måren – Nordeide vil det vera forseinkingar utover onsdag ettermiddag på grunn av stor trafikk. Det melder Norled på vegner av Skyss.

Avgangen frå Ortnevik klokka 15.40 blir omlag 20 minutt forseinka. Forseinkingane vil vara ved utover ettermiddagen og kvelden. 

Vegtrafikksentralen vest melder at fleire bilar står parkert ut i vegbana ved Eldrevatnet på rv 52 Hemsedalsfjellet. 

– Det kan skapa farlege situasjonar. Me ber trafikantar vera merksame og køyra forsiktig.

Utrykkingspolitiet stansa eit køyretøy på Fodnes kl. 23.00 søndag kveld, som ikkje hadde gjennomgått EU-kontroll.

Bilen vart avskilta, opplyser operasjonssentralen til Vest politidistrikt måndag morgon.

18.29 laurdag melde Statens vegvesen at det er eit køyretøy som har stansa i Flenjatunnelen, på E16 i Aurland. 

Dermed stengde tunnelen. 

Vegtrafikksentralen melder på X at det er ein buss som skal bergast og at bilbergar jobbar på staden. 

Klokka 19.30 er tunnelen opna att. 

Statens vegvesen heldt trafikkontroll på E16 ved Nyheim i Aurland laurdag. 

26 varebilar og lette køyretøy vart kontrollerte og det resulterte i to tekniske manglar på bremser på tilhengar og ei anmelding av førar som mangla førarrett for vogntoget (personbil + hengar) som han køyrde, går det fram av kontrollrapporten.